Екипи на Инспекторатот на Град Скопје при редовна контрола на реонот на „Вардариште“ вчера затекнаа група лица кои на отворено спалуваа разновиден отпад и кабли.
Од Градот информираат дека по обидот за легитимирање, затекнатите лица се дале во бегство. На локацијата била повикана полиција, а запаленото сметиште веднаш било изгаснато.
– Инспекторите на Град Скопје се континуирано на терен, организирани во дежурства, и ја следат состојбата со загадувачите на животната средина. Сите затекнати сторители што ја загадуваат животната средина или ја оштетуваат урбаната опрема ќе бидат санкционирани. Целта е да се спречи несовесното постапување со отпадот, создавањето диви депонии и загадувањето на воздухот -децидни се градските власти.