Градските власти работат на реорганизирање на просторот на тротоарот на булеварот „Партизански одреди“, кај кројачот Ангелковски, за како што велат да овозможат поголема удобност за велосипедистите и пешаците, како и попријатна животна средина за локалните жители, налик на новите тротоари низ центарот на Скопје.
-Овој тротоар долги години беше окупиран од возила и напуштена урбана опрема. По малата реконструкција, на ова место ќе има двонасочна велопатека под дрворед и сенка од околните згради. На остатокот од тротоарот по должина на дрворедот ќе засадиме ниско зеленило и ќе поставиме соодветна урбана опрема-велат од Град Скопје.
