Руската агенција за надзор на комуникациите Роскомандзор го ограничи пристапот до 11 канали на платформата Телеграм поради „терористичка содржина“ во последните два дена, пренсе денеска агенцијата РИА.
„Од терористичкиот напад во коцертната сала Крокус сити хол вршевме само целно следење. Ги бележевме само фактите за намерно ширење разни невистини по терористичкито напад – лажирања и повици на екстремистички активности“, соопштија од Роскомнадзор.
РИА наведува дека на барање на Роскомнадзор се отстранети околу 600 документи со терористичка содржина или е забранет пристапот до нив.
Претходно денеска портпаролот на Кремљ Дмитриј Песков изјави дека во моментот нема планови за блокирање на социјалната мрежа Телеграм во Русија.
Тој додаде и дека основачот на таа платформа Павел Дуров треба да посвети поголемо внимание на тоа како се користи оваа социјална мрежа.
Пратеникот на Државната дума од Обединета Русија Олег Морозов денеска оцени дека е неопходно да се развие механизам за автоматско блокирање на каналите на Телеграма кои регрутираат терористи користејќи клучни зборови користејќи вештачка интелигенција.
