Утринава, ИХФ донесе официјална одлука за одложување на натпреварот Германија – Зеленортски Острови, а причина за тоа е што африканската селекција нема доволно играчи за да го одигра натпреварот, па истиот ќе биде регистриран со официјален резултат од 10:0 за Германија.
За да се избегне судир на интереси, двајца Германци, Дитрих Спате и Патрик Страб, се повлекоа од натпреварувачкиот комитет и беа заменети со Пер Бертелсен, директор на организацискиот одбор на ИХФ. Зеленортски Острови не успеа да обезбеди минимум десет играчи бидејќи двајца ракометари кои беа позитивни на коронавирус, не успеаја да се рехабилитираат, односно да бидат негативни на повтореното тестирање.
Инаку, еден од заразените играчи вчера беше негативен, но со оглед на тоа што не поминаа 48 часа, тој ќе има право да игра против Уругвај на 19 јануари, дури и ако утрешниот тест биде негативен.
Република Зеленортски Острови веќе испрати последователни покани, нови играчи треба да играат против Уругвај, под услов нивните тестови да бидат негативни.
