Десетици илјади демонстранти се собраа вечерва во Тел Авив и други градови низ Израел за да изразат противење на контроверзниот план за судски реформи на премиерот Бенјамин Нетанјаху на екстремно десничарската влада.
Масовни протести се одржаа 16-та по ред сабота, пред 75-годишнината од основањето на еврејската држава.
Оваа година празникот беше во сенка на една од најголемите кризи во историјата на Израел.
israeli citizens out in force tonight for democracy pic.twitter.com/ivlCWHbV2k
— ian bremmer (@ianbremmer) April 22, 2023
Планот на владата на Нетанјаху за слабеење на Врховниот суд ги налути Израелците кои го сметаат за напад врз системот на контроли и рамнотежа и закана за демократијата.
Демонстрантите носеа транспаренти на кои на фотографијата на Нетанјаху наместо „премиер“ пишуваше „министер на криминалот“.
Протестите ги парализираа израелските градови во март, а Нетанјаху беше принуден да го одложи спроведувањето на реформскиот план со надеж дека ќе се најде компромис.
Противниците, сепак, не се откажаа од протестот и бараат планот воопшто да не се спроведува.
Доколку се усвои реформата во судството, тоа ќе му овозможи на Нетанјаху, кому му се суди за корупција, и неговите партнери во коалицијата да го имаат последниот збор при назначувањето на судиите.
Парламентот (Кнесетот) контролиран од неговите сојузници ќе има моќ да ги поништи одлуките на Врховниот суд и да ја ограничи можноста за разгледување на законодавството.
Американскиот претседател Џозеф Бајден, лидерот на клучниот сојузник на Израел, јавно го критикуваше Нетанјаху за планот за реформи, велејќи дека „не може да продолжи по тој пат“.
