Лондонската Брз помош на соопшти дека од четвртокот, од која е изложен ковчегот со телото на кралицата Елизабета Втора во Лондон, повеќе од 1000 луѓе кои чекале во ред да ѝ оддадат почест морале да добија медицинска помош, пренесува Би-Би-Си.
Само во саботата брзата помош морала да интервенира поради 368 лица од кои 55 се пренесени во болница.
Точниот број на лица на кои им била потребна брза помош е 1078 лица, а 136 се ндесени во болница.
Луѓето кои планираат да патуваат во Весминстер хол, зградата на парламентот каде што се наоѓа телото на кралицата, се предупредени да не доаѓаат за да го „избегнат разочарувањето“,бидејќи е можно да не успеат да ја видат.
Владината служба за култура, медиуми и спорт соопшти на Твитер дека се разгледува можноста кога ќе биде затворен редот за чекање, а најверојатно тоа ќе биде денес попладне.
Можноста да се види ковчегот на кралицата ќе биде завршена утре наутро во 6:30, по локално време, односно, четири часа пред да започне погребот на Елизабета Втора во Весминстерската опатија.