„Breathe – Air quality sensor network“ ќе ѝ донира на Општина Гази Баба 15 апарати за мерење на загадувањето на воздухот.
Тие ќе бидат поставени на различни локации низ Општината, со што ќе се добива мерење на квалитетот на воздухот од различни локации, но истовремено и ќе се детектира загадувањето.
Ова е договорено на средбата на претставниците на „Breathe – Air quality sensor network“ со градоначалникот на Општина Гази Баба, Бобан Стефковски, на која тие и го презентирале својот проект во однос на решавањето на проблемот со загадувањето.
– Целта на проектот е микротаргетирање на загадувачите кои ја загадуваат Општината и утврдување на причината за загадувањето – нагласи Стефковски.
