Луѓето обично најмногу се мотивираат да слабеат кога имаат некој повод или пригода. Верувам дека Новата година е силен мотив за многумина. Така јас се мотивирав да ја напишам и оваа колумна сакајќи да дадам насоки како да намалите некој сантиметар и килограм за подобро чувство за празниците.
Иако, за волја на вистината, слабеењето не треба да биде специјално темпирано за некоја пригода. Всушност, сè што правите премногу брзо веројатно не е добро за вашето здравје, а јас не го подржувам ненадејното слабеење. Верувам дека изборот на храна на вистински начин и одржувањето на соодветна рамка за исхрана ќе ви помогнат да останете здрави и да ја одржувате и вашата идеална тежина.
Изберете го правилното мени за да изгубите тежина. Брзото губење на килограмите е возможно, но сепак да се стави повеќе акцент и на здравото слабеење. Секако од мојата практика сите сакаме брзо да ослабиме, но треба и да го зачуваме здравјето.
Првото нешто што треба да го земете предвид е да создадете рутина и ритам. Можеби следите повремено постење и откривате дека тоа ви предизвикува стрес. Можеби јадете на неколку часа и откривте дека ова е исто така премногу предизвикувачко. Режимот на исхрана треба да ви овозможи да се чувствувате посмирени, поенергични, да имате подобар сон.
Изберете ја вистинската храна
Заменете ја преработената храна со домашни јадења. Ако можете сами да ги подготвувате оброците, тоа е прекрасно. Оброците подготвени дома ќе бидат свежи, со точна количеството на здрави масти ќе бидат многу полесни за варење. Сето ова ќе создаде основа за губење на тежината. Всушност, маснотиите во стомакот можат да бидат само лимфна конгестија и лошо здравје на цревата.
Јадете внимателно. Никогаш нема да се прејадете ако јадете додека се фокусирате на вашата храна, наместо на телевизијата.
Jадетe 5 балансирани оброци во денот
Јадете пет балансирани оброци на ден наместо храна со шеќер и скроб. Мој предлог е да се јадат пет балансирани оброци во рок од дванаесет часа. Ова веднаш обезбедува рамнотежа на шеќерот во крвта и помалку ќе јадете на секој оброк.
Неверојатно е кога ќе видите како оваа промена ги менува работите кај луѓето. Во рок од еден ден или два откако ќе го направите ова, шеќерот во крвта ќе се стабилизира и ќе имате потреба од помалку храна. Не заборавајте дека секој од нас е посебен и има посебни потреби во зависност од сопственото здравје, години тежина.
Уште неколку совети
Создадете ги вашите три главни оброци за во чинија. Половина од тоа треба да биде резервирано за зеленчук богат со растителни влакна, четвртина чинија чисти протеини, четвртина сложени јаглехидрати или житарки што можете да ги толерирате и некои здрави масти. Ако додадете половина зеленчук во три различни бои во половина од вашата чинија, ќе бидете сигурни дека имате доволно минерали, витамини, фитонутриенти и влакна.
Разликувајте ги вашите протеини колку што можете. Можете да изберете која било од следниве опции: дел од риба, пилешко, телешко, јагнешко или половина чаша растителни протеини со големина на дланка од наут, црн грав, тофу, леќа или што било друго што го сакате. Јадете различни сложени јаглехидрати, почнувајќи од сладок компир, амарант, леќа.
Секогаш додавајте лажица масло од кокос или маслиново масло, вклучете една четвртина авокадо или некои ореви и семки бидејќи мастите помагаат во стабилизирање на шеќерот во крвта и промовираат ситост.
Здравиот оброк би се состоел од салата која треба да биде во различни бои. Ако оброкот има потешки протеини, можеби нема да ви бидат потребни ниту зрна. Зголемувањето на вашиот зеленчук без скрободни зеленчуци е еден од најдобрите начини за промовирање на слабеење. Зголемените влакна помагаат во хранењето на вашиот микробиом во цревата и го подобруваат варењето на храната. Обидете се да вклучите по една чаша различни зелени лисја сурови или варени секој ден. Зелените поддржуваат детоксикација на црниот дроб и вашиот црн дроб игра клучна улога во метаболизмот и слабеењето.
Пиењето изобилно количество вода помеѓу оброците е многу важно. Многу е вообичаено да се гледаат луѓе како ја пијат целата вода навечер. Кога ќе го дехидрирате вашето тело во текот на целиот ден, вашето тело ќе почне да ја држи целата вода што ја добива.
Кога станува збор за двете закуски, ужини помеѓу појадок и ручек, или ручек и вечера, изберете овошје или две лажици здрави семиња, грст печени кикирики, малку зеленчук со хумус, смути или некој сладок компир. Кога ќе започнете да јадете ужинка помеѓу овие оброци и да одржувате рамка од дванаесет часа, ќе сакате полесна вечера. Со балансирање на шеќерот во крвта ќе се осигурате дека нивото на кортизол во текот на ноќта ќе се намали и ова ќе ви помогне длабоко да спиете.
Помали порции – повеќе зеленчук
Понекогаш правите сè како што треба, јадете повеќе зеленчук и овошје, готвите здраво, ограничувате најкалорична храна, но нешто не е во ред. Обидете се овие денови да јадете побавно, џвакајќи ја храната многу побавно.
Длабокиот сон е од клучно значење за губење на тежина бидејќи една ноќ со слаб сон го крева грелинот, хормонот на гладот и ве тера да копнеете по слатки следниот ден.
Ако сакате да изгубите тежина пред Нова година, најдобро е да ја зголемите количината на зеленчук.
До колку сакате да имате уште подобри резултати вклучете и физичка активност која ќе ви помогне во процесот на слабеење. Храната секако треба да биде избалансирана.
Марија СОКОЛОСКА
ПОЗНАТАТА НУТРИЦИОНИСТКА ОД ЛОНДОН СОВЕТУВА: Кожата ќе ви блеска ако внимавате што јадете
