Со новата методологија за усогласување на пензиите конечно е обезбедено системско решение за постојан раст на пензиите, два пати годишно.
Во месец март оваа година се очекува повторно да се зголемат пензиите, а за колкав процент ќе биде зголемувањето ќе дознаеме откако ќе излезат официјалните податоци од Државниот завод за статистика.
Усогласувањето на пензиите според швајцарски модел се случува два пати годишно и се врзува за порастот на трошоците за живот со 50 проценти и за растот на просечната плата со 50 проценти.
Со воспоставената методологија за усогласување на пензиите, покачувањето на пензиите веќе не зависи од нечија политичка волја, туку се усогласува на секои шест месеци врз основа на растот на трошоците за живот и на просечната плата.
