Овие денови сите погледи се вперени во Катар каде што се одржува Светското првенство. На отворањето присуствуваше и Моза бинт Насер, сопруга на шеикот Хамад бин Калифа Ал Тани, поранешен емир на Катар и мајка на сегашниот емир Тамим бин Хамад Ал Тани. Сопругата на шеикот Хамад често ја нарекуваат „кралица на стилот“, а во 2015 година беше прогласена за една од најдобро облечените жени во светот.
Вог имаше свое мислење и за стилот на првата дама на Катар, која ја вброи во петте најдобро облечени жени во светот. Vanity Fair ја прогласи за најдобро облечена дама со сина крв, а за Џулиен Мекдоналд таа е втората Жаклин Кенеди.
Моза, која се движи кон средината на седмото десетлетие од својот живот, се појави во долг сатенски фустан во бордо боја од „Прада“, што првпат го облече 2010 година, кога нејзината земја се пријави за домаќин на Светското првенство. Фустанот е изработен по нарачка од италијанската модна куќа и беше инспириран од нејзината колекција пролет-лето 2007 година. Бордо фустанот го спои со марама во истата нијанса, а изгледот го комплетираше со блескав брош и бордо мокасини.
View this post on Instagram
Моза сподели и фотографии од нејзиното модно издание на отворањето на Инстаграм и порача: „Времето дојде. Добредојдовте на Светското првенство на ФИФА Катар 2022 година“.
View this post on Instagram
На снимката таа е со нејзиниот сопруг, шеикот Хамад, поранешен емир на Катар, и нејзините деца – шеик Хинд бинт Хамад и поранешниот наследник, шеик Јасим бин Хамад.
View this post on Instagram
View this post on Instagram
