„Принцот на севдахот“ или како што „Њујорк тајмс“ го нарекува, „човекот со ангелски глас“, Божо Вреќо за прв пат ќе има концерт во Скопје, во Македонската опера и балет и тоа на 23 февруари идната година. Многумина уште од сега велат “и тоа чудо да го видиме“. И ќе видат и ќе слушаат со подотворена уста без разлика на тоа што Божо на сцената (ама и приватно) се облекува како трансвестит и што како таков има и брада, па многумина си земаат за право да го наречат “балканска Кончита“.
Како таков предизвикува огромно внимание кај публиката и кај медиумите, новинарите и фоторепортерите. Но, никој не може да му ја оспори музикалноста и фантастичното пеење. Божо Вреќо е лирски тенор кој привлекува бројна публика и на концерти низ Европа и светот. Неговата акапела интерпретација на севдалинките е секогаш спектакуларна. Во Скопје во февруари ќе пее песни од неговите четири албуми. Организатор на концертот е “Авалон“, а влезниците ќе бидат по цена од 1.500 денари. Скапо или не, проценете сами. foto:FB i Instagram
