Со страст и глас што опишува со прекрасни детали и создава магична атмосфера, третиот роман на Тони Морисон – „Соломоновата песна“ е моќна приказна која ги следи животите на едно црнечко семејство и нивните пријатели во Мичиген.
„Во фокуст на романот се потрагата по идентитет и духовниот растеж на Макон Покоен III, со прекар Млекар. Романот е раскажан од негова гледна точка и претставува моќно, сензуално и соголено истражување на животните перспективи, личните судбини и животните преокупации на четири генерации од неговото семејство. Од фантастичната прва сцена во која осигурителниот агент Роберт Смит се подготвува да ‘полета’ од покривот на една зграда – со луѓе насобрани да го гледаат, меѓу кои една жена што пее и друга што се пораѓа – до крајот, ова е книга што целосно ќе ви го задржи вниманието. Морисон бравурозно ги комбинира елементите на магијата, митот и фолклорот, создавајќи дело што може да се вброи меѓу најдобрите остварувања на магичниот реализам“, ќе посочи издавачот Магор.
