Украинскиот претседател Володимир Зеленски денеска изјави дека војната со Русија можела да се спречи доколку Украина била членка на пактот на НАТО пред почетокот на војната.
„Да беше Украина дел од НАТО пред војната, немаше да има конфликт“, изјави Зеленски пред студентите на Универзитетот за наука во Париз, пренесе Ројтерс.
Британската новинска агенција наведува дека рускиот претседател Владимир Путин неколку пати повторил дека ризикот од влез на Украина во НАТО ја оправдува воената операција врз соседната земја, која започна на 24 февруари.