Пристигна првиот од трите диносауруси, скулптури на уметникот Андреј Миневски, кои беа населени во паркот во населбата Ченто. Станува збор за скулптури на изумрени праисториски животни птеродактил, трицератопс и раптор во природна големина кои Миневски ги има направено од рециклирано отпадно железо,
– Андреј се приклучи во кампањата “Креирај и донирај”, а неговите уметнички дела посетителите ќе може да ги видат до јуни. Голема благодарност до господинот Миневски и до ЈП “Водовод и канализација” кои ги пренесуваат диносаурусите и несебично секогаш и помагаат на Зоолошката градина, информираат од Зоолошка.
За да креира една ваква фигура на Миневски му требаат три месеци. Вели дека железото кое за него е богатство го собира од отпади и автосервиси, а во неговата работилница од која излегуваат најразлични уметнички креации, му го носат и пријатели.
Тој има голема желба во иднина кај нас да се отвори голем парк со повеќе железни скулптури.
– Сакам да имаме еден голем Јурастик парк кој би бил наш, македонски Дизниленд што би привлекувал туристи од соседните држави, но и од подалеку. Мислам дека многу би доаѓале да го видат паркот бидејќи кога ќе влегувате во него, како да сте отишле на друга планета – вели Миневски.
(С.Бл.)
