Актуелниот американски претседател Џозеф Бајден е се полош и полош во предизборните анкети, а Доналд Трамп пак, во се поголем број е фаворит за изборите во најважните држави, кои, како што предвидува „Билд“, американските демократи може да ги наведат да употребат план „б“ и да фрлат во рингот со републиканецот уште една поранешна прва дама.
Претходно, уште една поранешна прва дама – Хилари Клинтон, неуспешно ги бранеше боите на демократите во политичката битка со Трамп, а овојпат, постојат сите шанси со него да се „бори“ и Мишел Обама.
Главниот архитект на историската победа на првиот црн американски претседател Барак Обама, Дејвид Акселрод веќе, според некои мислења, почна да го подготвува теренот за нејзината кандидатура, иако претходно речиси се заколна дека таков политички излет не ѝ паднал на памет.
Но, поранешниот советник во Овалната соба дефинитивно не и одмага на најскриените политички амбиции на сопругата на Барак, бидејќи тој се залага за „летечки промени“ и му порачува на Бајден да размисли дали е навистина мудро, дека и покрај лошите анкети и постојаната дебата за неговата возраст, тој продолжува да ја држи својата кандидатура.
И републиканскиот сенатор Тед Круз е еден од оние кои веруваат дека Акселрод го отвора патот за кандидатурата на Мишел Обама, додека, според Билд, некои демократи сметаат дека дури и таа не би можела да го спаси демократското владеење во Белата куќа.
Политичкиот портал „Хил“ минатата пролет оцени дека Мишел Обама е демократката со најголеми шанси на изборите во 2024 година.
Според анкетите, таа би можела да победи на партиските прелиминарни избори против Бајден, со поддршка од 48 до 36 отсто. Како би се снашла во дуел со Трамп се уште не е истражено, но се верува дека нејзиниот потенцијал е голем.
Хил претходно објави дека поранешната републиканска кандидатка за потпретседател Сара Пејлин изјавила дека мисли дека поранешната прва дама Мишел Обама ќе биде кандидат на демократите на изборите во 2024 година, додавајќи дека претседателот Бајден е „надвор“, пренесува RT Balkan.
