Комуналните редари од Инспекторатот на Град Скопје утринава при редовна рутинска контрола на контејнерските места на подрачјето на општина Гази Баба, откриле медицински отпад депониран на непрописен начин во контејнер за комунален отпад.
– Имајќи во предвид дека медицинскиот отпад подлежи на специјален третман на одлагање го известивме државниот Инспекторат за животна средина, нашите инспектори за животна средина, јавното претпријатие „Дрисла“ кое по спроведената истрага на прописен начин со специјално возило за медицински отпад го спакува и подигна отпадот – информираат од Инспекторатот.
За овој случај следи детална истрага за пронаоѓање на можниот одлагач на медицинскиот отпад. По пронаоѓањето на субјектот ќе следи пријава и глоба за сторениот прекршок.
