Фудбалерите на хрватскиот првак Динамо Загреб направија неверојатен пресврт, надоместувајќи ја негативата од два гола од лондонската пресметка со Тотенхем, и со хет-трикот на Мислав Оршиќ обезбедија пласман во четвртфиналето во Лига Европа.
Македонските репрезентативци во редовите на хрватскиот тим, Стефан Ристовски и Аријан Адеми, беа во почетниот состав и дадоа свој придонес во големиот триумф над тимот предводен од Жозе Мурињо.
Динамо до триумфот од 3:0 стигна по 120 минути игра, благодарение пред сè на тројниот стрелец Оршиќ (62, 83 и 106 минута).
Ристовски ги одигра целиот натпревар, додека Адеми беше заменет во 118 минута.
Противникот во четвртфиналето во Лига Европа, фудбалерите на Динамо ќе го дознаат на денешната жрепка во Нион.
Резултати: Ренџерс – Славија П. 0:2 (вкупни 1:3), Милан – Манчестер Ј. 0:1 (1:2), Динамо З. – Тотенхем 3:0 (3:2), Вилјареал – Динамо К. 2:0 (4:0), Молде – Гранада 2:1 (2:3), Арсенал – Олимпијакос 0:1 (3:2), Шахтјор Д. – Рома 1:2 (1:5).
