Поранешен полицаец во Мемфис, Емит Мартин Трети, е обвинет за смртта на Афроамериканецот Тајри Николс на 10 јануари и сам и се предаде на полицијата, изјави неговиот адвокат, објави денеска Си-Ен-Ен.
Вилијам Меси, адвокатот на еден од петте полицајци во Мемфис отпуштени поради смртта на 29-годишниот Николс, рече дека неговиот клиент е обвинет и се предал.
Адвокатот изјави дека сè уште не ја знае природата на обвинувањата против Мартин и работи на тоа.
Николс почина три дена откако полицијата го сопрела поради наводно несовесно возење на 7 јануари.
Си-Ен-Ен јавува дека полицајците го извлекле Николс од возилото на семафор и употребиле сила за да го приведат.
Полицијата во Мемфис и Бирото за истраги во Тенеси ја истражуваа полициската употреба на сила при апсењето на Николс.
Останатите двајца полицајци Тадариус Бин и Деметриус Хели беа обвинети за 7 случаи на убиство од втор степен, нанесување тешки телесни повреди, две за тешко киднапирање, две за злоупотреба на службената положба и за едно службено угнетување.
Контактирани се адвокатите на Бин и Хели, но тие допрва треба да се изјаснат за ова прашање.
Обвинителот на округот Шелби закажа соопштение за печатот за случајот околу убиството на Николс.