Во организација на Домот на културата „Илинден“, на градскиот плоштад во Демир Хисар, в недела напладне ќе се одржи националниот фолклорен фестивал „Велигденски фолклорни средби“.
На фестивалот ќе учествуваат културно-уметничките друштва: „Илинден“ од Битола, „Бисер“ од Кичево, „Ѓердан од бисери“ од Охрид и „Илинден“ од Демир Хисар.
На фестивалската програма ќе ѝ претходи дефиле по улиците низ градот, кое ќе започне во 11 часот.
Фестивалот е поддржан од Општина Демир Хисар и од Министерството за култура.