Во тек е последната недела од Велигденскиот пост. Во народот е позната како Страдална, Страсна или Велика Недела. Сите денови во него се нарекуваат Велики, затоа денес е Велики понеделник. Последната недела од Велигденскиот пост, Светата или Страдалната седмица, ја воведува Тајната на Страдањата Господови.
Во оваа недела верниците треба да се потрудат да си ги простат сите меѓусебни гревови и навреди, бидејќи христијанството учи дека ако ние им простиме на другите, Христос ќе ни прости. Верниците оваа недела ја поминуваат во најстрог пост, на вода. Се јаде само леб, сол и овошје, а Велики петок и Велика Сабота се целосно без храна.
Маслото и виното се дозволени само на Велики Четврток, бидејќи на тој ден е воведена Светата Тајна Причест. Секој ден од оваа недела има свое значење – понеделник, вторник и среда се посветени на споменот на последните проповеди на Исус Христос.
На овој ден имало строг пост, што значело дека еднаш во текот на денот се вкусувало нешто многу мало, како вода или кафе. Она што е карактеристично за овој ден е што веќе не се слушаат песни како во цветната недела, ниту пак се играат ора. Причината е страдањето на Исус, кое ќе се случи на Велики петок. На овој ден, поради оваа причина, луѓето особено се посветуваат на добри дела.
