Претседателот Џо Бајден разговараше со радио водителот Хауард Стерн за мрачните времиња кога неговата прва сопруга и ќерка загинаа во сообраќајна несреќа, а тој откри дека размислувал и за самоубиство. Имено, Бајден на славниот радио водител му даде изненадувачко интервју за време на неговата посета на Њујорк.
Преку интервјуто, тој зборуваше за својот очај поради смртта на неговата сопруга Неила нивната 13-месечна ќерка Наоми во декември 1972 година.
– Не пијам. Тоа не е доблест, но навистина никогаш не сум пиел – рекол тој.
– Секогаш имавме алкохолни пијалоци во куќата… Сакав само да пијам и да се опијам, но не можев да се натерам да го направам тоа. Не треба да си луд за да се самоубиеш. Ако еднаш си бил на врвот на планина, мислиш дека никогаш повеќе нема да бидеш таму, така се чувствував. И само за малку, мислев дека можеби еден ден ќе отидам до Меморијалниот мост Делавер и ќе скокнам, но имав две деца и тоа ме спречи, раскажува тој во интервјуто во живо на радио кое ги изненади слушателите. Иако има дадено неколку интервјуа откако ја презеде функцијата претседател, ова појавување не беше вклучено во неговиот јавен распоред, пишува Дејли Меил.
Тој ја помина вечерта во четвртокот во Њујорк во домот на актерот Мајкл Даглас, а потоа, пред да одлета назад во Белата куќа, застана во студиото на Менхетен за да разговара со легендарниот радио водител Сириус XM. Исто така, за време на интервјуто откри и некои новости – рече дека „би бил среќен да се сретне со Трамп на дебата“.
Понатаму, Стерн и Бајден го допреа и периодот кога Бајден беше романтично достапен. Како што тврди актуелниот американски претседател, во тоа време како сенатор се наоѓал и на листата на десетте најпосакувани американски ергени.
Преку интервјуто, Бајден раскажа како работел како спасител во кварт во Делавер, претежно со црнци. Тој раскажа како извлекол шестмина од неволја.
– Дали некогаш сте спасиле нечиј живот додека сте спасител? – го праша Стерн, на што Бајден одговори: „Дури и неколку пати!“.
