Не е ништо ново дека витаминот Ц е неопходен кога е во прашање зачувување или подобрување на здравјето на организмот, но во овој период од годината исклучително важно е да го внесуваме преку зеленчук и овошје зошто сезоната на настинки веќе е отворена
Марија Соколоска
Сезоната на настинки започна. Но, пред да направите уште една шолја чај, размислете дали доволно консумирате овошје и зеленчук кои содржат витамин Ц. Зошто? Тој е есенцијално соединение за човечкото тело кое дејствува како високоефикасен антиоксиданс (и ги забавува процесите на стареење во телото) во крвотокот. За разлика од некои витамини, витаминот Ц телото не е во состојба да го произведе. Важно да се запомни е дека витаминот Ц не може да се складира во телото, па затоа треба секојдневно да се внесува.
Која храна е богата со витамин Ц и кои се придобивките за нашето здравје и благосостојба?
Витаминот Ц, познат и како аскорбинска киселина, е активен низ телото. Тој е растворлив во вода и не се складира во телото, па затоа треба да се погрижиме да добиваме соодветни количества од нашата исхрана секој ден. Кои се придобивките од витаминот Ц? Важен е бидејќи помага за одржување на здрава кожа, крвни садови, коски и ‘рскавица поради тоа што е вклучен во формирањето на колаген, протеин кој се наоѓа во сврзното ткиво. Помага да се заштити здравјето на нашите клетки и се користи во заздравувањето на раните.
Колку витамин Ц треба да јадеме? Препорачаната дневна доза на витамин Ц за возрасни е само 40 мг дневно, што треба да можете да го добиете од вашата исхрана преку овошје и зеленчук. Бидејќи е растворлив во вода, дел од витаминот Ц се губи кога се готви. Суровото овошје и зеленчук ќе содржат најмногу витамин Ц. Но ако треба нешто да готвите, тогаш тоа направете го на пареа што е најдобриот метод за задржување на хранливата вредност.
Неколку намирници кои се богати со витамин Ц:
Црна рибизла – 160 мг на порција 80 г (шолја грст) или 200 мг на 100 г
Црните рибизли се мали, со кисел вкус, темновиолетово-црни бобинки на кои обично им треба да им се додаде некој вид на сладост за да бидат повкусни. Само една порција од 80 г обезбедува речиси 200 отсто од вашата дневна на витамин Ц, а тие исто така содржат малку витамин А, калциум и железо.
Црвен пипер – 100 мг на порција 80 г (½ голема пиперка) или 126 мг на 100 г.
Црвените пиперки може да се јадат во салати или со хумус или може да се користат во супи, чорби. Половина голема црвена пиперка содржи има многу витамин Ц, а исто така има и добра количина на витамини А, Е и К, како и Б6, фолна киселина и влакна.
Во едно средно киви овошје има 59 мг Ц витамин на 100 г. Ова тропско овошје се јаде сурово. Едноставно излупете го и исечкајте го. Може да се додаде и во овошна салата, да се користи за јогурт или во смути. Едно киви содржи нешто повеќе од 50 отсто од дневната препорачана доза на витамин Ц и исто така е добар извор на витамин К и влакна.
Една зелена пиперка има 120 мг витамин Ц на 100 г. Исто како црвената пиперка, зелените пиперки се многу разновидни и може да се јадат сирови или варени. Половина голема зелена пиперка ќе обезбеди доволно витамин Ц за цел ден.
Еден портокал има 52 мг витамин Ц на 100 г. Еден портокал содржи 90 отсто од вашата дневната препорачана доза како и добра мешавина на витамини и минерали, вклучувајќи витамин А, фолна киселина, калциум и магнезиум.
Свежата брокула (грст) има 79 мг витамин Ц на 100 г. Без разлика дали се јаде сурова или варена, брокулата е извор на витамин Ц.
Настојувајте да добиете урамнотежена исхрана со секоја група на храна вклучена во вашиот оброк. Диетите ќе функционираат ако обезбедуваат доволно витамин Ц. Затоа, ве советувам да се фокусирате на храната што ја јадеме. Како и секогаш обидете се да внесете најмалку 5 порции овошје и зеленчук секој ден во вашата исхрана. Сите треба да можеме да го постигнеме дневниот препорачан внес од 40 мг витамин Ц во секое време од годината преку урамнотежена и разновидна исхрана, а овошјето и зеленчукот се најдобрите извори. Важно е да ја постигнете потребната дневна доза на витамин Ц бидејќи тој е клучна хранлива материја за заштита на телото и поддршка на нашето целокупно здравје.
