Од први ноември стартува хартиениот билет за едно возење во автобусите на градскиот превоз. Неговата цена најверојатно ќе биде 50 денари. Цената што е предложена од Јавното сообраќајно претпријатие „Скопје“ треба да ја одобрат градските советници на денешната седница.
Според одлуката за измени и дополнувања на Одлуката за интегрираниот тарифен систем во линискиот превоз на патници во Град Скопје, потребата од воведување на електронскиот билет за едно возење е инициран од ЈСП „Скопје“, поради тоа што во моментов картичките „Скопска“ можат да се надополнат во билетарниците на ЈСП, во трафики и во продавници низ градот.
– Овој билет е наменет за граѓани кои ретко го користат јавниот превоз во Скопје, тоа се луѓе што доаѓаат по потреба од внатрешноста во метрополата и досега мораа да набават картичка за 10 возења, односно неперсонализирана картичка „Скопска“, или пак да платат во автобус со мобилен телефон. Исто така, во непријатна ситуација се и туристите кои ги има во се поголем број во метрополата, а не се во можност да користат ниту една од опциите за возење во јавниот превоз – се наведува во образложението.
Електронскиот билет за едно возење ќе биде изработен од потврда хартија и ќе се купува кај возажот и ќе биде за еднократна употреба.
(А.П.)
