За четири месеци, сите патеки на влезовите и излезите од училиштата и градинката ќе бидат целосно осветлени со нови лед светилки, најавија од Општина Ѓорче Петров.
Оттаму информираат дека е започната реализацијата на проектот ,,Со мобилност до инклузија преку безбедно осветлени патеки” финасиран од Швајцарската агенција за развој и соработка, спроведуван од УНДП.
Овој проект е резултат на спроведените форумски сесии во рамки на проектот „Зајакнување на општинските совети“ на кои граѓаните преку дискусија го избраа осветлувањето и на успешно завршените обуки на членовите на Советот на Општина Ѓорче Петров.
