Граѓанската иницијатива „Не биди ѓубре“ што ја покрена актерката Ирена Ристиќ, очекува на 14 декември да соберат над 40.000 вработени во јавната администрација кои ќе исчистат локации во Скопје и во други градови во земјава.
– Ова ќе биде масовна акција за чистење, која планираме да стане и традиционална. На овој начин вработените од државните институции ќе помогнат за зачувувањето на животната околина, а ќе влијаеме и на свеста на граѓаните, за да успееме да ги зачуваме чисти локациите откако ќе заврши акцијата. Наместо да одат на работа вработените во периодот од 9 до 12 часот ќе помогнат да се исчистат барем некои од загадените локации низ градовите – најави министерот за за информатичко општество и администрација Дамјан Манчевски.
