Членовите на т.н Четворка за Блискиот Исток разговараа за продолжување на „значајните разговори“ за решавање на израелско-палестинскиот конфликт, на нивниот прв состанок по инаугурацијата на американскиот претседател Џо Бајден.
Телото, во кое се наоѓаат САД, Русија, ЕУ и ОН, се состана синоќа, се вели во соопштение на Обединетите Нации.
– Претставниците … се состанаа за да разговараат за обнова на значајните преговори што ќе донесат решение за две држави, вклучително и опипливи чекори напред за да се осигурат слободата, безбедноста и просперитетот на Палестинците и Израелците, што е важно само по себе, се вели во соопштението.
Средбата се одржа во момент кога Израел ги одржа четвртите парламентарни избори за помалку од две години, а десничарскиот премиер Бенјамин Нетанјаху се обидува да ги продолжи своите рекордни 12 последователни години на власт.
