Фејсбук ќе започне да ги забранува рекламите кои ги обесхрабруваат луѓето да се вакцинираат, објави оваа социјална мрежа, а исто така најави нова информативна кампања за вакцината против грип.
Компанијата појасни дека рекламите за закони или против владините политики за вакцинирање, вклучувајќи ја и вакцината против ковид-19, сепак ќе бидат дозволени.
Според правилата на компанијата, забранети се објави со неточни информации за вакцината, но дозволени се оние кои изразуваат спротивставување на вакцините, доколку не содржат лажни тврдења.
Ова лето, службеникот за јавна политика на Фејсбук, Џејсон Хирш изјави дека компанијата верува дека корисниците можат да ги изразат своите лични мислења и дека поагресивната цензура на крајот може да ги истурка луѓето кои се „сомневаат“ во вакцината во групата на оние кои силно се спротивставуваат на вакцинацијата.
Фејсбук со новата политика на куќа започнува следната недела. Таа компанија е под огромен притисок од политичарите и здравствените власти да, во време кога се развиваат повеќе вакцини против ковид-19, забрани каква било содржина што изразува спротивставување на вакцинацијата.
Во интервју за Гардијан во средината на септември, извршниот директор Марк Закерберг експлицитно рече дека нема да ги отстрани најавите против вакцинирање и покрај водечките светски експерти за вирусологија, кои се надеваат дека вакцината против „ковид-19“ ќе им биде достапна на граѓаните до крајот на оваа или почетокот на следната година.
“Ако некој тврди во својата објава дека вакцината е штетна и дека е загрижен за тоа, од моја перспектива е многу тешко да се каже дека не треба да се изразува. Нашите системи не работат на тој начин”, заклучил тогаш Закерберг.
