Поради растечкиот број на лица заразени со коронавирусот, Универзитетот во Љубљана реши да го прекине образовниот процес.
Како што јави дописникот на МИА од Љубљана, предвидено е Универзитетот да биде затворен до 23 март.
Во соопштението што го испрати факултетската управа, студентите се повикуваат да користат други начини на комуникација со професорите и менторите, односно да употребуваат видео врска или електронска пошта.
Ректоратот се одлучи на ваков чекор бидејќи многу често на предавањата присуствуваат повеќе од 100 студенти, што е во спротивност со забраната за собирање на луѓе во затворен простор.
Пред неколку дена и Универзитетот во Приморска ги затвори вратите за студентите.
Извор:МИА
