Чоколадото со ориз е омилен десерт на многу љубители на слатките. Едноставно и воздушесто, ова чоколадо особено го сакаат помалите во семејството, но популарно е и кај повозрасната генерација. Уште кога ќе го искомбинирате во превкусна и лесна торта, вкусот е незаменлив.
Пробајте, и ужувајте во вкусот!
Состојки за кора:
- 6 белки
- 100 гр шеќер
- 1 лажица брашно
- 1 лажица оцет
- 100 гр кокос
Состојки за фил:
- 6 жолчки
- 5 лажици шеќер
- 1 ванила
- 250 гр путер
- 300 гр чоколадо со ориз
Подготовка
Изматете ги белките и шеќерот. Потоа додадете брашно, оцет и кокосово брашно. Соединете ја смесата и печете ја кората на 200 степени 15-20 минути.
Изматете ги жолчките за филот на пареа, па додадете ванилин шеќер и шеќер. Ставете путер и чоколадо со ориз и соединете се. Истурете ја смесата врз кората и оставете да се излади неколку часа.
По желба декорирајте со шлаг.
