Пред административната зграда на Општина Чаир ќе биде поставена статуа на поранешниот американски претседател Томас Вудро Вилсон. Оваа одлука едногласно беше усвоена на 29-та седница на Советот на Општина Чаир.
– Оваа одлука беше предложена од страна на градоначалникот Висар Ганиу и е заедничка иницијатива на Општина Чаир, Институтот за духовно и културно наследство, како и Музејот и претседателската библиотека „Woodrow Wilson“. Градоначалникот Ганиу им се заблагодари на сите советници и на претседателот на Советот за реализираната конструктивна соработка во насока на покажување почит кон оваа истакната историска личност која придонесе за денешното наше постоење како држави на Балканот и за третирањето на сите други прашања во служба на граѓаните на нашата општина – информираа од општина Чаир.
Томас Вудро Вилсон бил 28-миот претседател на Соединетите Американски Држави во периодот од 4 март 1913 година до 3 март 1921, за време на Првата светска војна. Тој бил награден со Нобелова награда за мир.