Сирупите против кашлица кои содржат фолкодин ќе бидат забранети во Европската унија, објави денес Европската агенција за лекови (ЕМА).
Агенцијата утврди дека овие сирупи може да предизвикаат опасна алегиска реакција во текот на општата анестезија, додека во некои случаи ненадејна и тешка алергиска реакција може да предизвика смрт, наведе ЕМА.
Комитетот за безбедност на агенцијата ЕМА ги анализираше сите достапни докази и резултати на студијата, податоците за безбедност по нивно пуштање на пазарот и информациите кои ги доставија здравствените работници, но како да не беше можно да се идентификуваат ефикасни мерки за намалување на ризикот, ниту да се утврди дали користа од фолкодинот е поголема од ризикот, лековите кои содржат фолкодин се повчекуваат од пазарот на ЕУ и нема да бидат достапни ни на рецепт, ниту без рецепт.
ЕМА ги советува здравствените работиници да разгледаат соодветни алтернативи за лечење, а на пациентите да престанат да земаат лекови кои содржат фолкодин.
Инаку, овие лекови се користат од педесеттите години на минатиот век, во продажба се во повеќе држави членки на ЕУ под брендовите Диметан, Баиокалиптол и Бронкален.
Белгиската сојузна агенција за лекови и здравствени производи, ја суспендираше на 1 октомври дистрибуцијата на лекови кои содржат фолкодин.
ЕМА сега работи на нова анализа за односот на ризикот и користа од овие производи.
