ЈКП “Гази Баба 2007” повторно започна со чистење на депонијата во Кадриово Маало, место кое што ги спојува населените места Хиподром и Инџиково.
– По неколку пати чистење на оваа депонија конечно ќе и ставиме крај. На влезовите на оваа патека ќе се постават заштитни столбови и ќе се забрани пристап на секаков вид на возила како би се спречило одложување на дополнителен отпад – информираат од ЈКП „Гази Баба 2007“.
Оттаму нагласуваат дека продолжуваат со борбата против дивите депонии, и апелираат до совесност на граѓаните за заштита и зачувување на природата и чистиот воздух.