Поранешниот грчки премиер Андонис Самарас, денеска остро ја критикуваше Дора Бакојани, известувач за прием на Косово во Советот на Европа, нагласувајќи дека нејзиниот извештај не ја претставува Грција, ниту културата и традициите на таа земја.
„Грозните работи што се случија неодамна во врска со Косово не ги претставуваат Грција и елинизмот“, рече Самарас.
Тој додаде дека Грција попрво треба да се занимава со одбележувањето на 50-годишнината од турската инвазија на Кипар, наместо, како што рече, „да го влече хеленизмот на опасни патеки, како со резолуцијата за Косово“, пренесува порталот Товима.