Стандардниот првотимец во дресот на португалскиот гигант Спортинг од Лисабон, Матеус Нуњес во следните неколку дена и официјално ќе биде преставен како најскапа аквизиција во клупската историја на англискиот премиерлигаш Вулверхемптон. Одличниот играч за врска важеше за голема желба и на челниците на Ливерпул и Манчестер Сити, но тие на Вулверхемптон постигнаа договор за обештетувањето од 45 мил. евра.
