Градоначалникот на Пробиштип, Драган Анастасов денеска соопшти дека продолжува реализацијата на проектот за дом за стари лица. Се изведуваат повеќе фази истовремено согласно Акцискиот план.
Извршено е рушење и демонтажа на внатрешната столарија каде се просториите за сместување, завршена е ѕидаријата на новопланираните ѕидови и направен е новиот влез. Се работи и на поставување на водоводната и електричната инсталација.
–Согласно динамиката и надминатите проблеми кои се јавија на почетокот на работите, а кои веќе се надминати, ми дава за право да се надевам дека веќе во мај, овој проект ќе биде завршен и општината ќе добие дом за стари во кој 55 наши сограѓани ќе добијат достоинствено сместување по сите стандарди, изјави Анастасов.
Вредноста на проектот, кој е целосно финансиран од Министерството за труд и социјална политика, е 55 милиони денари. Домот за стари лица е со капацитет за 55 корисници, а рокот на изградба е 12 месеци од почетокот на работите.
Извор:МИА
