Меѓународниот олимписки комитет (ИОК) ги предупреди земјите дека поради политички причини им забрануваат на нивните спортисти да учествуваат на натпревари, дека може да им наштетат на сопствените планови за организација на Олимписките игри.
Членката на МОК и поранешна претседателка на Хрватска, Колинда Грабар-Китаровиќ, на панелот со светските лидери за земјите кои сакаат да ги организираат Олимписките игри во иднина, ја идентификуваше „зголемената политизација на спортот“ како еден од проблемите.
Иако не ги именуваше земјите за кои станува збор, Полска и Индонезија изразија интерес да бидат домаќини на Олимпијадата во 2036 година. Тоа се следните натпревари чиј домаќин ќе биде избран.
Полска им забрани на руските спортисти да учествуваат на овогодинешните Европски игри, кои ги организираше, а во мај Меѓународната фудбалска федерација (ФИФА) и ја одзеде на Индонезија да биде домаќин на Светското првенство за играчи до 20 години, бидејќи земјата не сакаше Израел да учествува.
Сведоци сме на се повеќе ограничувања на учеството на спортистите на меѓународните натпревари“, изјави Грабар-Китаровиќ на состанокот на МОК во Мумбаи.
Таа додаде дека панелот на МОК што ги поврзува потенцијалните кандидати, со кој таа претседава, „мора да го земе предвид секое прекршување на Олимписката повелба во сите фази од дијалогот“.
„Важно е сите заинтересирани страни и можни домаќини да се обврзат да го почитуваат етичкиот кодекс и правилата на однесување“, рече Грабар-Китаровиќ.
Одлуката за домаќин на игрите во 2036 година нема да биде донесена пред 2026 или 2027 година.
Грабар-Китаровиќ рече дека ќе се искористи новиот процес со кој ќе се избегнат јавни кампањи и спорни гласови. Домаќините на игрите традиционално се избираа кога на 100-те членки на МОК им беше претставен списокот на кандидати.
Наместо тоа, потенцијалните домаќини сега работат зад сцената со МОК, што резултира со кандидатот да добие ексклузивен преговарачки период за фино да ги усогласи своите планови.
Домаќинот на Олимписките игри во 2032 година, Бризбејн беше првиот што беше избран на ваков начин пред две години, кога членовите на МОК ја одобрија препораката на Извршниот комитет со кој претседава Томас Бах.
Претходно денеска неколку членови на МОК прашаа дали Бах може да остане претседател уште четири години, до 2029 година. Неговиот мандат истекува во 2025 година, а за да остане на чело на МОК потребна е промена на правилата, кои може да се случи во јули, пред почетокот на Олимписките игри во Париз во 2024 година.
