Ако сте љубители на песто и сосови, ова е вистински рецепт за вас. Се подготвува брзо, а можете да го комбинирате со тестенини, рижото, месо…
Состојки:
- 200 свежа рукола
- 5 чешниња лук
- 200 гр индиски ореви
- 150 мл маслиново масло
- сол
Подготовка:
Руколата ставете ја во блендер, насецкајте го лукот, па и него ставете го внатре. Во оваа смеса додадете ги и индиските ореви.
Полека сипете го и маслиновото масло и солта. Сомелете ја оваа смеса.
Готовото песто ставете го во тегла и прелијте го со маслиново масло. Чувајте го во фрижидер, а дури можете и да го замрзнете.
Пријатен вкус!
