Хит серијата на HBO, The Last of Us, ја запозна пошироката публика со заплетот и ликовите од популарната видео игра.
Гледачите можеа да ги следат Џоел (Педро Паскал) и Ели (Бела Ремзи) на нивното патување во пост-апокалиптична Америка. Првата сезона беше базирана на првата игра, додека втората ќе црпи материјал од The Last of Us Part II.
Побарувачката за сериите беше голема, дури и ако не ги вклучиме бројките на HBO и HBO Max. Оние кои немаа претплата на услугата за стриминг мораа да најдат алтернативни начини да ги следат Џоел и Ели. Еден од тие начини беше илегално преземање, или пиратирање на серијата преку торент.
Поради својата популарност, не е ни чудо што The Last of Us стана најпиратираната серија оваа година. Тоа е единствената серија на HBO која го најде своето место во топ 10 листата, според извештајот на TorrentFreak. Четири серии припаѓаат на Disney+, три на Apple TV и по една на Paramount+ и Prime Video.
