Вицепремиерот Бујар Османи, во интервју за Радио Слободна Европа, вели дека новиот министер без ресор, Хисен Џемаили не бил вмешан во случајот „Мавровски работници“.
-Прво, господинот Џемаили не е осуден за настаните коишто вие ги споменувате. Тоа беше главно дел од поранешната пропаганда против ОНА и нашите информации се дека воопшто не бил вмешан во настаните за коишто се споменува. Формално-правно тој нема пречка за извршување јавна функција. Тој беше претседател на Советот на Општина Тетово, беше пратеник во Собранието. Но, тогаш му беше одземен имунитетот за овој случај, одговори на прашањето дали смета дека Хисен Џемаили, кој беше обвинет во случајот Мавровски работници од 2001 година, е добар избор за министер. На репликата на новинарот дека тогаш на Џемаили му беше одземен имунитетот за овој случај, тој потенцираше дека процесот формално е завршен со автентичното толкување на Законот за амнестија од 2001 година.
-Значи, ви кажувам дека формално-правно нема пречка, меѓутоа еве и неформално можам да ги споделам и информациите коишто ги имам дека господинот Џемаили воопшто не бил дел од настаните за коишто се споменува. Но, во однос на компетентноста, во однос на образованието и искуството, апсолутно сметам дека е вистински човек на вистинско место, рече Османи.
