На грчкиот остров Скијатос, поточно во градот на патот каде што вообичаено се собираат туристите и локалните жители за да го гледаат полетувањето на авионите, дошло до несреќа кога издувните гасови од моторот собориле туристка.
Како што може да се види на видеото, 61-годишната Британка била на пат покрај морето, на само неколку метри од ѕидот и почетокот на пистата, но точно на иста линија како и турбините на Боинг, пишува Еуроњуз Србија.
Во моментот кога авионот полетала, таа ги кренала рацете, а не долго потоа потисната сила ја фрлила неколку метри во морето. Жената се здобила со повреди на мозокот поради што е префрлена во болница во Волос.
На видеото се гледа како уште една млада жена паѓа на земја, но за среќа не е повредена.
Сепак, ова не е првпат ваква несреќа да се случи на аеродромот на Скијатос, кој е еден од најкратките во светот. Имено, пред неколку дена, седумдесет и деветгодишен маж се движел по овој пат и видел дека авионот се подготвува за полетување. Иако процени дека ќе може да помине, го забрза темпото, но безуспешно. Гасниот бран од авионот го фрлил човекот 10 метри во морето.
Говорејќи за конкретниот случај и честите повреди на туристи и мештани, градоначалникот на Скијатос Тодорис Цумас за GRTimes нагласи дека на тоа место има соодветна сигнализација која мора да се почитува.
„По несреќата ја известивме надлежната компанија која стопанисува со аеродромот, но областа веќе има доволно предупредувачки знаци, дури и семафор. Некои, сепак, ги преценуваат своите можности и остануваат на ова место. Но, тоа е како улицата да ја преминеш на црвено светлина“, нагласи тој.
Цумас исто така додава дека многумина „прават грешка што премногу се доближуваат до местото каде што полетува авионот“.
„Кога зборуваме за луѓе кои се на одредена возраст, тие немаат многу сила да го контролираат своето тело од интензивната струја што се создава, така што постои многу сериозен ризик од повреда“, заклучува тој.
