Роден во семејство на архитекти и инженери, тој се истакнуваше со уникатен уметнички дух и често беше опишуван како „моден сликар“.
Познат по комбинирање на ткаенини, проѕирни материјали, шарени везови и шик креации, неговото презиме се поврзува и со посебна боја – Balestra blue.
Неговата страст за филмот и театарската уметност доведе до тоа што дизајнираше креации за Ава Гарднер во филмовите „Босоногата Контеса“ и „Сонцето повторно изгрева“, Џина Лолобриџида во „Најубавата жена на светот“, Софија Лорен во „Среќата да се биде жена“, Кендис Берген во „Авантуристите“…
Тој ги создаде и костимите за операта „Пепелашка“ на Росини, која беше изведена на сцената на Народниот театар во Белград во 1998 година.
Во свечената сала на белградското собрание во 2013 година организираше модна ревија за помош на децата без родителска грижа и ја претстави најновата колекција со која ја затвори и Неделата на висока мода во Рим.
Балестра се истакна и со комбинирање на машка и женска мода и беше пионер во создавањето унисекс комбинации.
Неговото име стана еден од синонимите за модната индустрија, а Ренато Балестра е добитник на сите меѓународни награди во светот на модата.
