Членот на руската делегација на преговорите со Украина, Леонид Слуцки, при посетата на Доњецк изјави дека Москва ќе ја проучува иницијативата за размена на заробените војници на украинскиот баталјон Азов за украинскиот политичар Виктор Медведчук.
„Што се однесува до размената, ќе го проучуваме тоа прашање. „Не само ние, туку и оние кои имаат овластување во Москва да учат и да донесуваат одлуки во врска со иницијативата за размена на Медведчук за членови на Азов“, рече Слуцки, пренесува агенцијата РИА Новости.
Службата за безбедност на Украина го приведе Медведчук по наредба на претседателот на Украина Володимир Зеленски.
Подоцна, Зеленски и понуди на Русија да го замени Медведчук за заробени граѓани на Украина.
Портпаролот на претседателот на Руската Федерација Дмитриј Песков изјави дека Кремљ ќе ја следи судбината на Медведчук и ќе апелира до европските политичари да го сторат истото.
Сопругата на Медведчук, Оксана Марченко, апелираше до Зеленски да го ослободи нејзиниот сопруг. Таа, исто така, побара од турскиот претседател Реџеп Таип Ердоган да помогне за негово ослободување.
Виктор Медведчук (67) е политичар и богат украински претприемач кој важи за личност блиска до претседателот на Русија.
Во средината на април, Медведчук беше фатен во Украина, бидејќи беше во бегство од почетокот на рускиот напад кон крајот на февруари.
Медведчук е во домашен притвор од мај 2021 година, откако беше обвинет за „велепредавство“ и „обид за ограбување на природните ресурси на Крим“.
