Кралот Чарлс ги поминувал деновите уживајќи во албумите на Барбра Стрејсенд, а особено драга му била песната од нејзиниот филм „Funny Girl“ од 1968 година.
„Луѓето зачудено ме гледаат кога ќе кажам дека е опасно привлечна, со голема доза на сексапил“, напишал Чарлс во една прилика.
Писателот заслужен за претстојната биографија со наслов „The King: The Life of Charles III“ тврди дека кралот бил толку опседнат со актерката и пејачка, што чувал нејзини врамени фотографии.
„Врамените фотографии од Стрејсенд биле во неговите одаи“, пишува во биографијата.
View this post on Instagram
Додека служел како поручник во Кралската морнарица, 26-годишниот Чарлс побарал да се сретне со Барбра. Двајцата разговарале 15 минути и пиеле кафе во текот на состанокот, а Барбра рекла дека била многу нервозна во негово присуство.
Подоцна повторно се сретнале во Лондон во април 1994 година, кога Стрејсенд настапила за неговата хуманитарна организација.
„Никогаш нема да го заборавам нејзиниот талент и привлечноста на нејзиниот глас и нејзините актерски способности“, зборувал Чарлс за неа.
Во една прилика дури ѝ испратил и букет, но нејзината куќна помошничка мислела дека е од некој обожавател. Барбра забележала дека цвеќето изгледа уникатно бидејќи било од кралските градини, а не од цвеќарница.
„Беше многу смешно, помислив: ‘Тоа е принцот Чарлс’“, се присетила таа.
View this post on Instagram
