Експерименталниот лек lecanemab се појави како потенцијален лек за Алцхајмерова болест, според новото истражување објавено во New England Journal of Medicine, но истражувачите покренуваат одредена загриженост за неговата поврзаност со сериозни несакани ефекти.
Долгоочекуваните податоци од испитувањето беа објавени во вторникот во New England Journal of Medicine, два месеци откако производителите на лекот, Biogen и Eisai, објавија дека е откриено дека lecanemab го намалува когнитивниот и функционалниот пад на активноста на мозокот за 27 проценти во третата фаза од истражувањето.
Студијата во фаза 2 не покажа значајна разлика помеѓу леканемаб и плацебо кај пациенти со Алцхајмерова болест во 12-месечна студија, но податоците од студијата фаза 3 покажаа дека по 18 месеци, леканемаб е поврзан со исчезнувањето на амилоидните наслаги во мозокот на пациентите.
„Кај луѓето со рана Алцхајмерова болест, леканемаб го намали нивото на амилоид на мозокот и когнитивното намалување во споредба со плацебо по 18 месеци“, се вели во студијата.
Тие додаваат дека лекот бил поврзан со несакани ефекти и дека се потребни подолги испитувања за да се утврди ефикасноста и безбедноста на леканемаб во раните фази на Алцхајмеровата болест.
Најчести несакани ефекти на лекот биле силните главоболки, додека најтешки реакции – оток и крварење во мозокот.
Истражувачите исто така објавија дека околу шест испитаници починале во групата на леканемаб, но истражувачите веруваат дека ниту една од смртните случаи не била поврзана со лекот.
Здружението за Алцхајмерова болест вчера соопшти дека го охрабрува продолжувањето на третата фаза од студијата.
„Објавените резултати покажуваат дека лекот ќе им даде на пациентите повеќе време за секојдневен и независен живот. Третманите што им користат на оние кои живеат со когнитивно оштетување поради Алцхајмерова болест и деменција се исто толку вредни како и третманите кои го продолжуваат животот на оние со други терминални болести, соопшти Здружението.
