Мравката, професионално наречена „wasmannia auropunctata“, е екстремно инвазивна, дури и ако се движи бавно, бидејќи го комбинира „класичниот систем на сексуална репродукција и производството на кралици и мажјаци со клонирање“, рече експертот.
„Нејзината сила е во бројноста“, додаде научникот и изјави дека нејзиниот убод предизвикува „чувство на пецкање како кога ќе допрете коприва“, но е посилно и подолго, бидејќи трае два до три часа.
Мравката го користи убодот како оружје за уништување на други инсекти и може да предизвика слепило кај некои животни. Кај луѓето, покрај болните убоди, електричната мравка може да предизвика анафилактичен шок, доколку лицето е алергично на некои инсекти.
Блајт рече дека искоренувањето на видот на мравките е скапо, наведувајќи го примерот на Квинсленд, Австралија, кој од 2006 година одвои 30 милиони долари за борба против овој вид мравки.
Научникот ги повика земјите-членки на Европската унија да направат план за искоренување на овој инсект.
