Генералниот директор на СЗО, Тедрос Аданом Гебрејесус, ги повика земјите да се согласат со договорот за да помогнат во борбата против идните пандемии додека преговорите се ближат до крајниот рок.
Новиот договор и серијата ажурирања на постоечките правила за справување со пандемии имаат за цел да ја зајакнат одбраната на светот од новите патогени откако пандемијата Ковид-19 уби милиони луѓе.
Земјите треба да ги финализираат преговорите за договорот на 10 мај, со цел да го усвојат на годишниот состанок на Светската здравствена организација (СЗО) подоцна овој месец, но извори со знаење за ова прашање велат дека се уште има големи разлики, објави Ројтерс.
Дајте им на луѓето во светот, на луѓето од вашите земји, на луѓето што ги претставувате, посигурна иднина“, рече Тедрос на средбата во Женева.
Тедрос ги охрабри земјите кои не се согласуваат целосно со текстот на договорот барем да се воздржат од блокирање на консензусот меѓу 194-те земји-членки на СЗО.
Една од главните точки на несогласување меѓу богатите земји и земјите во развој е прашањето за правична дистрибуција на лекови и вакцини за да се избегне повторување на неуспесите од ерата на ковид.
Единствениот пат во 75-годишната историја на организацијата кога земјите-членки на СЗО успеале да се согласат на правно обврзувачки договор, како што е договор за пандемија, беше договорот за контрола на тутунот во 2003 година, според Ројтерс.
