Иранските власти денеска соопштија дека во израелски воздушен напад во Сирија синоќа бил убиен советник на Иранската револуционерна гарда, кој му се припишува на Израел.
Револуционерната гарда предупреди дека ќе одговори на нападот, јавуваат израелските медиуми.
„Лажниот и криминален ционистички режим несомнено ќе добие одговор за тоа злосторство“, се наведува во соопштението, а жртвата е идентификувана како Милад Хејдари.
Воен извор за сириската државна новинска агенција САНА изјавил дека целта на нападот бил во предградието на сириската престолнина Дамаск и дека паднале неколку израелски ракети и причинета е материјална штета.
Експлозии се слушаат над Дамаск втора ноќ по ред, велат жителите, јави САНА, но не соопшти дали има жртви.
Реагираше противвоздушната одбрана и беа соборени некои израелски ракети, пренесе АП.
Сириската опсерваторија за човекови права со седиште во Велика Британија, опозициска организација која ја следи граѓанската војна во Сирија, рече дека ракети погодиле складишта за оружје на владините сили и организациите поддржани од Иран јужно од Дамаск.
Израел постојано напаѓа цели во областите на Сирија контролирани од владата во Дамаск, вклучително и напади на аеродромот во тој град и во Алепо, но ретко ја презема одговорноста.
🔴🇮🇷 The Islamic Revolution Guards Corps mourns the martyr “Milad Haidari,” who died as a result of the Zionist aggression in the countryside of Damascus. #RIP https://t.co/FWK7CDAXBW pic.twitter.com/le3RE8fZXR
— Haidar Akarar (@HaidarAkarar) March 31, 2023
