Во секој момент се очекува хеликоптер да го гасне пожарот на армискиот полигон Криволак, бидејќи станува збор за тешко пристапен терен на кој не може да интервенираат пожарникари. Ова го изјавија за МИА попладнево од Територијалната противпожарна единица од Неготино.
Нагласија дека тие веднаш биле информирани за пожарот на полигонот, отишле на Криволак но не можеле да стигнат до пожарот, поради недостапен дел кој бил зафатен од пламени јазици, при високи температури и топлина која ја стави земјава во портокалова фаза.
