За прв во независна Македонија крахира здравствениот систем, жртви се граѓаните затоа Ковачевски мора да замине час поскоро, реагира опозициската ВМРО-ДПМНЕ.
Владата предводена од Димитар Ковачевски и неговиот тим ќе остане запаметена по крах на здравствениот систем.
Здравствениот систем за прв пат во независна Македонија колабираше. Со ова за прв пат граѓаните останаа без лекови, не се исплаќаа средства за породилно, а здравствениот кадар остана без плата.
И додека има незпаметен одлив на медицински кадар од земјава и нема кој да ги лечи граѓаните, реаагира опозицијата, Ковачевски и низата на функционери во јавните здравствени установи не мрднаа со прст навреме да се исплатат платите, односно да се запази законскиот рок.
Од погрешните политики Ковачевски и неговиот тим, кој се грижат за само за лични и партиски интереси, граѓаните страдаат секојдневно или не можат да добијат основна здравствена услуга за која плаќаат цел живот.
Последиците од криминалните политики на лицата во власта предводена од СДС и ДУИ, стои во партиското соопштение, граѓаните ги чувствуваат секојдневно.
