Американската атлетичарка Мери Кејн го тужеше нејзиниот поранешен тренер Алберт Салазар и производителот на спортска опрема „Најк“ за 20 милиони долари, тврдејќи дека била злоупотребувана од тренерот со години додека учествувала во атлетската програма на компанијата, која во меѓувреме е затворена.
Кејн (25) се приклучи на тимот на Салазар, во кој најголемото име беше Мо Фарах, во 2013 година како голема надеж, но во 2019 година таа за „Њујорк тајмс“ изјави рече дека била принудена да ја намали телесната тежина на нездрав начин, поради што нејзината кариера отишла во надолна линија, па дури размислувала и за самоубиство.
Сега Кејн, исто така, поднесе тужба против Салазар во окружниот суд во округот Мултнома, и исто така ја тужеше компанијата „Најк“, наведувајќи дека знаеле за злоупотребата на која била изложена, но не интервенирала.
Проектот „Најк Орегон“ беше прекинат во 2019 година, откако Антидопинг агенцијата на САД (УСАДА) го казни Салазар со четиригодишна забрана за работа за нарушување на процесот на допинг контрола.
